Gustern was t n kôlle mörgen. t Haar nachtvorst geven en s mörgens was t nog nait deu en dat wui t ook nait. t WPA (wereld positie apparoat) gaf aal min drije zon beetje aan, dus t was gewoon kold.

n Beste ploug bie De Meet. In drij plougen ging t noar t Hof van Zélng. Wally aine, de 2 J’s aine en Karel aine. Over t algemaain was t redelek dreuge mit hier en doar van dij filaaine braagelstukken. Seiko haar gain beste mörgen, mor dat lag meer aan d’oavend der veur. Leeftied….

Zunder aal te veul obstoakels, gain autoos in t knoal dizze moal, kwamen bie d Suukerslikkers (kin joen klassieken) aan.

t Hof was al dik in de kerstsferen en de wichter in t peleton haarn d’eurotaikens alweer in d’ogen stoan. Kovvie en gebak vuil der goud in en toen w’opwaarmd waren kovve weer wieder. Tenminste….

t Mot aaltied veur n dubbeltje op d’eerste rang……… Lekke band bie Ruuter oet Olle Pekel. Hij gooide der wat Roegbaainderoetsproaken oet, om zien gevuilens te oeten, mor in n poep en n zucht was t verholpen en kovve wieder.

De MG haar n perbleem. Ze wozzen van hierof t pad nait weer noar hoes.  t Is mor goud davve der bie waren, aans kovve nou nog n Burgernet / Amberalert / Opsporingsbericht der oetgooien, want ze waren nog nait weer thoes west.

Terugraaize nog malheur mit n aandere Pekelder, mor dat mog wieder gain noam hebben.

n Kôlle mor Schie m örgen mit de twij J’s….. (en Karel)

Foto’s in de link.

Geef een reactie