t Is de tied van t joar. Vrouger vraizkolle of snij, nou wind en regen of n sloffe wind. Op d’ATB-app aankondegen dat veur 8 uur beslissen vaalt. Joa of nee Gasselte. ”Das mie te loat. As ik gai, staik om 9 uur bie De Meet op de race.”

Aaltied even noar boeten noar de garage. Bandjes op druk en geliek even vuilen wat veur weer t is. “ Wat movve aan?” t Was Zacht vanmörgen. Dus nait teveul polten om t lief. Bie De Meet n klaain plougje, zeuven. Telefoon: “Goan joe ook noar Gasselte? Nee, wind is ongunsteg wie goan noar Zelgn. Houveul binnen joe? Negen, oh wie zeuven.” En zo gait t op pad.”

Speulen mit de wind. Links, rechts, even weerom en wieder. En zo in Zelgn. Biezundere trainingstocht. t Is persies n joar leden dat Stef zien slechte tieden kreeg en nou ree k noast hom op kop. t Kin gelukkeg verkeren. n Toartje bie de kovvie in Zelgn en de foto’s dij oet Gasselte binnen kommen. Doar haarn ze bekant n kano Neude hier en doar.

Weerom op hoes aan mit de staarkte winsen veur Bert dij mit negen aandern mörgen d’Elfstedentocht fietst. En din bivve weer thoes mit d’opmaarken: “Davve dit toch zo mooi vinden mit mekoar……”

Foto: Willem

Geef een reactie