In t verleden n toeristische trekplaaister. Tunxdörf in t Grunnegs. Gusteren mit n veul bultenbroezers der noar tou. In drij plougen en doar ter plekke nog veul meer plougjes.

Terraain lag der goud bie. Nait aal te nat en de klimpassages waren huil goud te doun. En ik kin joe zeggen dat je op dat klaaine rondje van zon vief kilometer kapot goan kinnen. Veur sommegen was t d’eerste moal weer op de fietse mit terraainbanden, mor t ging elk en aine goud òf.

t Lutje generoaltje weer drok in de weer mit zien Kodak Klik, dus de ploatjes van gusteren kommen weer van hom.

Bie Klahsen was t weer goud veur mekoar en toun konden we de terugraaize weer oppakken. Wally het nog even keken of de vangrail echt goud funktioneerde en dat bleek t geval te wezen. n Schiere dag zo even. Lot t weer mor n zetje zo blieven.

Met dank aan de twij J’s.
Foto’s in de link.

Geef een reactie