De kop boven t schriefsel geft t al aan. n Tradietsie dij wie al verschaiden joaren in ere hollen. Mit kovvie, appeltoarte mit slagroom op kosten van de club, dus van ons apmoal, en din kommen z’oet ale goaten en houken weer teveurschien.

n Klaain plougje al weer op de race, TG, MG en SG mit d’ATB op pad. t Was n lutjebeetje n slovve wind en dat muikt ter nait aangenoamer op. Gelukkeg nait aal te kold en din mouten je der t beste mor van moaken.

Nait aal teveul gekeuvel in t peleton. Netuurlek kwam d proat wel op d’inwoners van de onderschaaiden dörpkes, mor doar bleef t din ook bie.

Bie Rendering haren z’op ons rekend en doar was d boudel schier veur mekoar.

Mit dizze rit is t Nijjoar nou echt goud begonnen en hopen we op n mooi joar zunder aal teveul gedou mit pech, der bie liggen goan of zukswat.

Geef een reactie