t Zit nait apmoal mit d’eerste weken van t nije joar. Veurege weke winter en vanmörgen? Gusteroavend nog even op t gleerbredje keken noar t weer en dat kon der net mit deur. Via d’app meldde Jan K zug en vanmörgen om 07.00 uur alweer. t Gait deur! En dus konden de T80-ers op bultenbroezers noar Bennewolle. Kon derzùlf nait biewezen, mor k was mit bruier vlakbie in t studio van Radio Westerwòlle en dus konden wie ook aansloeten bie kovvie mit appegebak mit slagroom mit sukkeloatje.

Sfeer zat der goud in. Der wui proat over netuurlek Weissensee, kommende iestied mit meschain scheuveln op t Oldambtmeer. Over meugeleke slachtoffers veur n Kim Holland filmke in n cabrio bie Joop H tussen de bozzels in de wasserette in Pekel. Körtom; proaterij genogt.

Groep was mooi klaain. Puuthoalder ging met glimlach om d snoete weer op hoes aan.

Terraain was zompeg en noa de kovvie ging t weer wieder. Kop is der òf en wie hopen op n mooi wegseizoen straks, as t weer weer wat opkloard is.

Geef een reactie