Van Ina de Roo

Van de veurege weke was der nog gain verslag, jammer t was zo’n mooie tocht. Der waren vaar mannen en twij vrauwlu, n aantal zaten in Frankriek, k leuf op n hoge bult. Ook is t natuurlijk gewoon vakantietied. Dick had n mooie tocht deur verschillende natuurgebieden, Westerbroek, Schildwolde, Harkstede, Kropswolde, prachtige plekken, woar t òf en tou oetkieken was veur löslopend rundvee, volgens GertJan kommen ze op roze sokken of…, t was en mooie lange tocht, roem 110 km op de teller en veul moois van de provincie zain.

Zotterdag ging de tocht mit 10 tot 12 man/vrauw noar Zuudloaren, Hoogezand, Muntendam, Kiel windeweer, Eexterveen waren n poar ploatsen woar we langs komen binnen. 10 tot 12 man? Joa…de snelle mannen waren ons al veuroet, toun we aan de koffie gingen bie de Sprookjeshof waren Joop en Eeljo doar al n pooske. Hou oalder, hou sneller liekt t wel…

Tiedens de koffie de gebroekelijke ouwehoerderij over fietsen en eten, fietsen van de Aldi, verkocht deur clowns etc. etc. Zoas t maistieds gait dus.

Joop en Eeljo gingen heur aigen route weer terug, wel wait woar ze aal west binnen… Mooi dat ze der bie de koffie waren.

Relinda het nije wielen zoals ik heurd heb, heur fietse is nou ook geschikt om deur de baarm te goan, gelukkig ging t goud. De terugweg het ze ons soamen mit Harry in rap tempo weer thoes brocht. Waren twij mooie tochten, mit dank aan Dick veur aal t waark wat hai der op dut.

Volgende week binnen de Frankriekgangers der vast weer bie, en zellen we de verhoalen van heur belevenissen heuren. Van Corry heb ik al heurd dat ze twij mooie beklimmingen doan het. Top!

Geef een reactie